АСТАНА. ҚазАқпарат - Палестина-Израиль қақтығысының оң шешілмеуіне байланысты біздің ынтымақтастығымыздың әлеуеті әзірше жүзеге аспай отыр. Бүгін Ақордада бірқатар шетел Елшісінен сенім грамотасын қабылдаған Елбасы Нұрсұлтан Назарбаев осылай деді.
«Палестина Қазақстанның Таяу Шығыстағы маңызды серіктесі болып саналады. Біз Палестинамен ынтымақтастықты кеңейтуге және тереңдетуге зор маңыз беріп отырмыз. Палестина-Израиль қақтығысының оң шешілмеуіне байланысты біздің ынтымақтастығымыздың әлеуеті әзірше жүзеге аспай отыр», - деді ҚР Президенті.
Мемлекет басшысы Қазақстан өз тәуелсіздігінің алғашқы күнінен бастап бүкіл проблемаларды халықаралық құқық негізінде реттеуді жақтап келе жатқанын баса айтты.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.