Мемлекет басшысының атап өтуінше, еуразиялық интеграция төніп келе жатқан үшінші индустриялық революция қарсаңында барлық қатысушылар үшін ортақ стратегиялық басымдық болып табылады.
«Қазіргі жаһандық тұрақсыздық - бұл тек қана экономикадағы ғана емес, сонымен бірге халықаралық құқықтағы, жаһандық саясаттағы дағдарыс. Біз оны көріп отырмыз», - деді Елбасы.
ҚР Президентінің пайымынша, әлемде орын алып отырған бұл дағдарыстарды еңсеруге G8, G20-ның да шамасы жетпей отыр.
«Сондықтан да 2012 жылы «G-Global» идеясын ұсындық. Оған бүгінде интерактивті түрде 160 ел атсалысуда. Бұл қандай да бір мемлекеттің пікірі емес, сондықтан да оған шағын және кіші елдер де қатысуда»,- деді Н.Назарбаев.