АСТАНА. ҚазАқпарат - Нұрсұлтан Назарбаевтың кандидатурасын қолдап 560 мыңнан астам қол жиналды. Бұл туралы Бүгін ҚР Орталық сайлау комиссиясының отырысында аталған комиссия хатшысы Бақыт Мелдешев мәлім етті.
«Нұрсұлтан Әбішұлы Назарбаевтың кандидатурасын қолдап елдің 16 өңірінің барлығына өкілдік ететін сайлаушылардың 560523-інің расталған қолы жиналды», - деді Б.Мелдешев.
Айта кетейік, бүгін Орталық сайлау комиссиясы Нұрсұлтан Әбішұлы Назарбаевты Қазақстан Республикасының президенттігіне кандидат ретінде тіркеу және кандидаттың куәлігін беру туралы қаулы қабылдаған болатын.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.