Нью-Йоркте әуеде екі ұшақ соқтығысты

АСТАНА. ҚазАқпарат - Екі жеңіл моторлы ұшақ АҚШ-тың Нью-Йорк штатында әуеде соқтығысып қалды. Апат салдарынан екі адам - ұшқыш пен ұшақтың бірінің жолаушысы қаза тапты, деп хабарлады полицияның өкілі.

Cessna 172 пен SeaRey ұшақтарының қандай себеппен қақтығысқаны әзірге белгісіз. Алғашқы әуе кемесі Ланкастер қаласына құлаған. Оның ұшқышы мен бортында болған бала ажал құшты. Ал екінші ұшақты оның ұшқышы жерге, егіс танабына қондыра алған. Оның өзі де, жанындағы 9 жасар қыз да зардап шекпеген.

Арнайы қызмет оқыс оқиғаны тексеруге кірісті.