«Жақында өткен жазғы жасөспірімдер арасындағы олимпиада ойындарында біз бар күшімізді салып, өз өнерімізді көрсеттік. Ең бірінші, спорттың дамуына әрдайым қамқор болып келе жатқан Елбасымызға рахметімізді айтқымыз келеді», - дейді ол.
Оның айтуынша, қазақстандық спортшылар әлемнің ең мықты спортшыларымен күш сынасып, Қазақстанның абыройын, намысын қорғап, жеңіске жетуге деген бар күш-жігерін салды.
«Осы Олимпиада ойындарында жалпыкомандалық 21-ші орынға табан тірегенімізге қуаныштымыз. Барлық спорт түрлерінен көптеген жетістіктерге жеттік. Көрермендерге, аға жаттықтырушыларға үлкен рахметімді айтқым келеді», - дейді А. Жүсіпов.
Айта кетейік, бүгін таңертең ҚР Премьер-министрінің орынбасары Гүлшара Әбдіқалықова спортшылармен кездесіп, Мемлекет басшысы мен Үкіметтің атынан қарылай сертификаттар табыстады. Алтын медаль әкелгендерге 1млн. 820 мың теңгеден қаржылай сыйлық табысталды. Ал түстен кейін Спорттық жекпе-жек түрлері конфедерациялары чемпиондарға 25 мың АҚШ долларынан қаржылай сыйлық таратты. Екінші, үшінші орын иеленген жас спортшылар сәйсесінше 15 мың және 10 мың АҚШ долларынан алды.