АСТАНА. ҚазАқпарат – Сән әлемінің танымал жұлдызы Наоми Кэмпбелл 53 жасында екінші рет ана атанды, деп хабарлайды ҚазАқпарат супермодельдің әлеуметтік желідегі парақшасына сілтеме жасап.
«Кішкентай қымбаттым, осы өмірге келіп, бізді қуантқан сәтіңнен бастап, махаббатымызбен аялайтынымызды біл. Құдайдың берген шынайы сыйы! Тәңір жарылқасын! Қош келдің, Балақай. Ана болу ешқашан кеш емес», - деп жазды ол.
Айта кетсек, 2021 жылы супермодель тұңғыш рет ана атанған. Ол қызының дүниеге келгені туралы дәл осылай әлеуметтік желі арқылы жариялаған болатын.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.