АСТАНА. 4 сәуір. ҚазАқпарат - НАТО авиациясы соққысының нәтижесінде Ауғанстанда төрт полиция қызметкері мен бір бейбіт тұрғын қаза болды. Бұл туралы ВВС хабарлады.
Бұл оқиға аталған елдің шығысында, яғни Газни провинциясында орын алды. Солтүстікатлантикалық альянсының ұшақтары дабыл бойынша аспанға көтерілген көрінеді.
Газни губернаторы өкілінің сөзіне қарағанда, қаза болған полицейлер азаматтық киімде болған. Осы орайда әскерилер оларды тәлібтермен шатастырып алуы мүмкін.
НАТО-ның хабарлауынша, олар қазіргі кезде болған қайғылы оқиғаның мән-жайын анықтауда.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.