«Назарбаев Университетінде» коллатералогенез үрдісін бастау үшін діңгек жасушаларының нәрлі өнімі бар нано- және микроқұрылымдық полимерлер алу жөніндегі жоба жүзеге асырылуда. Бұл жоба діңгек жасушаларын қолдана отырып, жүрек-қан тамырлары ауруларын емдеуге арналған дәрі-дәрмектер жасауға мүмкіндік береді. Яғни, құрамына діңгекті жасушалардың түзілетін өнімдері қосылған нано- және мирокапсулалы құрылымдарға негізделген дәрі-дәрмектер жасалады.
Бұл жобаның ерекшелігі сол, ол діңгекті жасушаларға, олардан алынған васкуляризация факторларына (жаңа қан түзу тамырлары) негізделеді. Яғни, нано-капсулалар коллатералогенез үшін қажетті діңгекті жасушалар түзетін факторлардан тұрады.
Жобаның арқасында тиімді дәрі-дәрмектер жасау және жүрек-қан тамырлары жүйесінің ауруларынан болатын өлім-жітімді азайту мүмкін болады. Бұл жоба «Назарбаев Университетінің» Пәнаралық аспаптық орталығында іске асырылуда.