АСТАНА. KAZINFORM - Назым Қызайбай Қарағанды қаласында өтіп жатқан ересектер арасындағы Қазақстан біріншілігінде чемпион атанды.
Қос дүркін әлем чемпионы, 2024 жылғы Олимпиада ойындарының қола жүлдегері Назым Қызайбай (48 келі) бүгін финалда қызылордалық Ақбота Болатпен қолғап түйістіруі керек еді.
Алайда қызылордалық спортышының алған жарақатына байланысты жекпе-жек өтпейтін болды. Сондықтан Назым Қызайбай 2024 жылғы Қазақстан чемпионы атанды.
Назым Қызайбай жартылай финалда Әнел Құдайбергенді (Жетісу облысы) тізе бүктірген еді.
Айта кетсек, бүгін Қазақстан біріншілігінде финалдық жекпе-жектер өтеді.
Еске салсақ, ересектер арасында бокстан Қазақстан чемпионатында алғаш рет шаршы алаңға шыққан Төрехан Сабырхан (67 келі) финалға дейін жетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.