Нидерландта парламент сайлауына дауыс беру басталды

АСТАНА. ҚазАқпарат - Сәрсенбіде, 15 наурыз күні Нидерландта жергілікті уақытпен түнгі он екіде алғашқы сайлау учаскелері ашылды. Елде парламент сайлауы өтіп жатыр, деп хабарлайды dw.com .

Солтүстік Голландияның Кастрикюм қаласында вокзалдағы гүл сататын дүңгіршекте орналасқан сайлау учаскесінде дауыс беруге болады. Сонымен бірге, түнгі он екіде бастап, Амстердамда музыка фестивалі ғимаратында сайлау учаскесінде дауыс беруге болады, деп жазды dpa.

Учаскелердің көпшілігі жергілікті уақытпен сағат 7:30-да ашылады және 21:00-ге дейін жұмыс істейді. Бес сағаттық айырмаға байланысты Нидерландтың айрықша қауымдастықтары болып табылатын Кариб теңізінің Бонэйр, Синт-Эстатиус және Саба аралдарында дауыс беру уақыттары басқаша болып белгіленген.

Сайлауда Герт Вилдерс жетекшілік ететін Азаттық партиясы мен премьер Марк Рютте басқаратын Бостандық пен демократия үшін халық партиясы жеңіске жетуге мүмкіндігі мол басты үміткерлер болып отыр.