АСТАНА. KAZINFORM – Еуропарламентке дауыс берудің алдын ала қорытындысы солшыл «Жасыл лейбористтер» (GroenLinks-PvdA) бірінші орынға шығып, Еуропарламентте сегіз орынға ие болғанын көрсетті. Бұл туралы Kazinform-ның меншікті тілшісі хабарлайды.
Болжамға қарамастан, әсіре оңшыл «PVV» партиясы жеті орынмен екінші орынға шығуы мүмкін.
Нидерландтағы ресми қорытынды ЕО-ның қалған 26 елінде дауыс беру аяқталғаннан кейін, жексенбі күні кешке жарияланады.
Нидерландтағы сайлауға қатысу 2019 жылмен салыстырғанда бес пайыздық тармаққа жоғары, 47% дерлік болды.
Нидерланд 720 орындық Еуропа парламентінің 31 мүшесін сайлайды.
Зарина Туғанбаева
Л.Н. Гумилев атындағы Еуразия Ұлттық университетінің түлегі. Еңбек жолын Ақмола облысы Целиноград аудандық «Ұран», «Призыв» газеттерінде тілші болып бастаған. Kazinform ақпарат агенттігінде 2011 жылдан бері қызмет атқарып келеді.