Индонезия астанасы Джакартада 5-18 қаңтар аралығында нысана көздеуден лицензиялық Азия чемпионаты өтеді, деп хабарлайды Kazinform.
Спортты дамыту дирекциясынан мәлім еткеніндей, бұл жаңа жылдағы алғашқы лицензиялық жарыс болмақ.
Париж олимпиадасының 16 жолдамасы сарапқа салынатын бәсекеде 29 мемлекеттен жиналған 380 таңдаулы мерген сынға түседі.
Аталмыш додаға ұлттық құрама сапында 21 спортшы аттанды. Олардың жетеуі винтовкамен, он спортшы тапаншамен, төртеуі жылжымалы нысана көздеуде бақ сынайды.
Әзірше ел қоржынында Париж олимпиадасының 3 жолдамасы (Ислам Сатпаев, Арина Алтухова мен Константин Малиновский) бар.
Нысана көздеуде лицензия спортшының жеке өзіне емес, Ұлттық федерацияға беріледі.
Еске сала кетейік, бұдан бұрын Қазақстан нысана көздеуден тағы бір олимпиада жолдамасына қол жеткізгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).