Нокаут: Асланбек Шымбергенов мексикалық қарсыласынан жеңіліп қалды
20:33, 15 Желтоқсан 2023
Қазақстандық боксшы Асланбек Шымбергенов елордадағы бокс кешінде мексикалық былғары қолғап шебері Хосе Мигель Боррегодан жеңіліп қалды, деп хабарлайды Kazinform.
71 келіге дейінгі салмақ дәрежесінде өткен және алты раундқа жоспарланған жекпе-жекті Боррего мерзімінен бұрын аяқтады.
Төртінші раундта нокдаун тіркелді. Шаршы алаң жиегінде тұрған Мырзағали Айтжанов Шымбергеновтің шарасыздығын көріп, рингке орамал тастады. Осылайша төреші жекпе-жекті тоқтатты.
Айта кетейік, бұған дейін Санжар Тәшкенбай өзбек боксшысынан басым түскенін жазған болатынбыз.
Тағы бір қазақстандық боксшы Махмұд Сабырхан да кубалық былғары қолғап шеберін айқын басымдықпен жеңді.