АЛМАТЫ. ҚазАқпарат - Алматыда «Lexus LX 570» маркалы автокөлік жүргізушісіне айыппұл салынды, деп хабарлайды ҚазАқпарат тілшісі.
Полиция департаментінің мәліметінше, Әузеов аудандық ПБ 3-ротасының қызметкерлері күнделікті алдын алу іс-шараларын өткізу кезінде Жандосов көшесінің бойында «Lexus LX 570» маркалы автокөлігінің жүргізушісі ҚР ӘҚбК-нің 590 бабы 2 бөлігі талаптарын бұзғандығы анықталды.
Атап айтқанда, жүргізуші мемлекеттік тіркеу нөмірін алып тастап, (МТНБ) көлік құралын басқарған.
Осыған байланысты, көлік жүргізушісіне 10 АЕК көлемінде айыппұл салынды.
Автор: Думан Арғынгелді
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.