Парламент шешімін халықтың 17 пайызы қолдаса, 66 пайызы қарсы болып отыр, өйткені елдегі 2 миллион автомобиль цифрлық радиоқабылдағыштармен жабдықталмаған. Соның салдарынан төтенше жағдай туралы хабарды кей адамдар естімей қалуы мүмкін екен.
Соған қарамастан Норвегия үкіметі өткен ғасырдың 50-ші жылдары іске қосылған ескі форматтан бас тарту жөнінде шешім қабылдап отыр. Цифрлық станциялар көптеген арналарды тарата алады, әрі олардың аудиосигналы артық дыбыстарсыз жеткізіледі.
2020 жылдары FM таратуды Швейцария толығымен тоқтатады; Дания мен Британия да осындай жолды таңдап отыр. Британдық мамандардың есебі бойынша 2017 жылдың соңына қарай елдегі радио тыңдармандарының тең жартысынан көбі цифрлық нұсқаға көшпек.