Нотр-Дам шіркеуіне кіру ақылы болуы мүмкін

АСТАНА. KAZINFORM – Францияның Мәдениет министрі Нотр-Дам шіркеуіне кіру үшін ақы алуды ұсынды. Бұл туралы ведомство басшысы Рашида Дати Le Figaro газетіне берген сұхбатында мәлімдеді, деп хабарлайды Kazinfrom тілшісі.

— Еуропаның барлық танымал діни ескерткіштеріне туристер ақылы негізде кіреді. Мен Париж архиепископына туристік сапарлар үшін символдық төлем тағайындауды ұсындым. Бұл бізге жылына шамамен 75 миллион еуро кіріс кіргізуге әрі бұл қаражатты елдің діни мұрасын сақтауға жұмсауға мүмкіндік береді, - деді ол.

Шіркеу бес жылға созылған қалпына келтіру жұмыстарынан кейін 8 желтоқсанда есігін қайта ашпақшы. 2019 жылдың сәуір айында шіркеуде өрт болды.

Министр сонымен қатар Франция азаматтары мен Еуропалық Одақтан тыс елдерден келетін туристер үшін француз мұражайлары мен ескерткіштеріне кіру ақысын саралау қажет екенін  айтты. Оның пікірінше, туристер көбірек ақы төлеуі керек.

— Франциялық қонақ Луврға кіру үшін Бразилия мен Қытайдан келген туристермен бірдей ақы төлеуі қалыпты жағдай ма? Біз 2026 жылдың 1 қаңтарынан бастап мәдениет мекемелерінің баға саясатын түбегейлі өзгертуді қарастырып жатырмыз», — деді ол.

Нотр-Дам соборы — Париждің көрікті жерлерінің бірі. 2019 жылдың сәуір айында шіркеу қызыл жалынға оранды. Өртке дейін жылына 14 миллионға жуық турист келетін. 

Өрт Нотр-Дам шіркеуінде 2019 жылдың 15 сәуірінде жергілікті уақыт бойынша сағат 6:43-те 93 метрлік (305 фут) орман мен қорғасынның түбінде басталды. Жалын собордың ла форет (орман) деп аталатын жүздеген емен арқалықтарынан тұратын қырлы төбесіне тез тарады.

Еске сала кетейік, Нотр-Дам шіркеуі өрттен қатты зардап шекті. Ағаш шатыр мен шпиль толық өртеніп кетті және собордың қабырғасы мен бірқатар тірегінің бір бөлігі қирады.

Осы тұста Франция президенті Эммануэль Макрон тарихи нысанды бес жыл ішінде жөндеуді тапсырды. Алайда көптеген мамандар бұл мүмкін емес дегенді алға тартты. Нотр-Дам басшысы Патрик Шовенің ойынша шіркеуді толық қалпына келтіру үшін 15-20 жыл қажет деген еді.