АСТАНА. ҚазАқпарат - Әлемнің 7-ракеткасы, сербиялық Новак Джокович Astana Open ATP 500 турнирінің чемпионы атанды, деп хабарлайды ҚазАқпарат тілшісі.
«Үлкен дулыға» жарысының 21 дүркін жеңімпазы Н.Джокович финалда әлемнің 6-ракеткасы, грекиялық Стефанос Циципаспен кездесті.
Сербиялық спортшы 6:3, 6:4 есебімен ұтып, өзінің үздік теннисші екендігін тағы бір дәлелдеді.
Осылайша, биыл елордада алғаш рет ATP 500 деңгейінде өткен айтулы дода мәреге жетті.
Еске салайық, Н.Джокович астана турнирінің финалына шыққанын бұған дейін жазған болатынбыз.
ATP 500 жарысы бас қаламызда 1-9 қазан аралығында өтті.
Фото: ҚТФ
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).