«Новая волна-2015»: Алғашқы күннің нәтижесі бойынша қазақстандықтар үздік үштік қатарында
Биылғы жылы байқауға Қазақстанның атынан бірден екі қатысушы: әнші Ademi мен VoiceKZ тобы шығып отыр.
Кеш қорытындылары бойынша біздің отандастырымыз үздік орындаушылар үштігіне кірді. Атап айтқанда, Ademi 87 балмен екінші орында, ал VoiceKZ тобы бір балл айырмашылықпен үшінші орында орналасқан.
Байқаудың бірінші күніндегі тақырыбы танымал кинофильмдер мен сериалдардың әндері болған.
Дәстүр бойынша, кешті Новая волна байқауының музасы Алла Пугачева ашты. Кештің арнайы қонақтарының арасында Эрос Рамазотти болды, ол Ани Лоракпен қосылып, "Piu cue puoi"ескірмейтін хитін орындады.
Биылғы жылы байқаудың алғаш рет Сочи қаласында өтіп жатқанын атап өту керек.
«Новая волна» танымал музыка жас орындаушыларының халықаралық байқауы алғаш рет 2002 жылы өткізілген. Байқауды қос композитор Игорь Крутой мен Раймонд Паулс ұйымдастырған.
Алматылық Ademi (шын есімі Динара Қайырова) - халықаралық қатынастар және халықаралық туризс саласындағы жоғары кәсіби маман. Варнадағы (Болгария) Халықаралық музыкалық байқауында Бірінші сыйлықтың лауреаты, Ресейде («Ресей жұлдызы»), Испанияда лауреат, сондай-ақ Сочидегі «Еуропа үміттері» Халықаралық музыкалық байқауының Екінші сыйлығының лауреаты. Мальта аралы, Австрия, Германия, Италия, Чехияда түрлі халықаралық музыкалық фестивальдардың қатысушысы.