«23 желтоқсан күні Кореяның Қазақстандағы Төтенше және Өкілетті Елшісі Ку Хонг-Сок пандемия салдарынан экономикалық қиындыққа тап болған отбасына барды және қайырымдылық көмекті тапсырды. Бүгінгі шара аясында 25 мың теңгеге жуықтайтын азық-түлік себетін 35 отбасы алады», - деп хабарлады елшілік.
Осы жылдың басында Қазақстандағы KOICA түлектер қауымдастығы Павлодар қаласының бастауыш мектептері мен Қазақстанның санитарлық дәрігерлер мен эпидемиологтар қауымдастығына жалпы сомасы 9,300 АҚШ доллары болатын санитарлық-гигиеналық бұйымдарды берген еді.
12 желтоқсанда Корея Республикасының Үкіметі Қазақстанға 375 000 доллар болатын гуманитарлық көмек жіберген еді. Онда COVID-19 шалдыққан пациенттерге 72 оттегі концентраторы, 50 монитор және 111 000 дана FFP2 стандартты респираторлық қорғаныс маска жеткізілді.