НҰР-СҰЛТАН. ҚазАқпарат - Нұр-Сұлтанда күн күрт жылынып, ауа температурасы көтерілді. Осының салдарынан қаладағы қалың қар еріп, жолдар мен аулаларды қар суы басып қалды, деп хабарлайды ҚазАқпарат.
Елорда әкімдігінің хабарлауынша, шаһарда су соратын арнайы техника жұмыс істеп жатыр.
«Ауа райының күрт жылынуына байланысты қалада су жинауға 100-ден аса ассенизаторлық машина шықты», - деп жазды қала әкімдігінің баспасөз қызметі Instagram парақшасында.
Айта кетейік, бүгін әлеуметтік желілерде қаланы басып қалған мол су туралы бірнеше видео жарияланды.
Жанат Қапалбаева
М.Х. Дулати атындағы Тараз мемлекеттік университетін бітірген.
Еңбек жолын аймақтық басылымдардан бастаған.
Төрт тіл біледі, кәсіби аудармашы.
2018 жылдан бері – Kazinform шығарушы редакторы.
ҚР Журналистер одағының мүшесі.