«Нұр-Сұлтанда коронавирус жұқтырғандармен жақын байланыста болған адамдарды, яғни отбасы мүшелерін және ұшақ бортында екі орындық бойынша қашықтықта болғандарды анықтау жұмысы аяқталды. Қазірге дейін Нұр-Сұлтан қаласының стационарларына 138 адам ауруханаға жатқызылды. Елордадан шығып кеткендер өңірлердегі ауруханалар мен инфекциялық стационарларға жатқызылды», - деді басқарма басшысы онлайн форматта өткен баспасөз мәслихатында.
Сәуле Қисықова сонымен қатар 323 адам үй карантиніне жатқызылғанын жеткізді.
«Бүгінгі күні коронавирус инфекциялық жұқтырудың тағы жеті жағдайы тіркелді. Бұл – бұрын коронавирус анықталған адамдармен байланыста болған адамдар. Олар бірден үй карантиніне оқшауланып, олармен лабороториялық зерттеу жүргізілді», - деді ол.
Еске сала кетсек бұған дейін Сәуле Қисықова елордада коронавирус жұқтырғандардың жағдайы туралы айтып берген болатын.