Нұр-Сұлтанда және бес облыста ауа райына байланысты ескерту жарияланды

НҰР-СҰЛТАН. ҚазАқпарат – Ақмола, Қызылорда, Түркістан, Қостанай, Маңғыстау облыстарында және астанада ауа райына байланысты ескерту жарияланды, деп хабарлайды ҚазАқпарат Қазгидрометке сілтеме жасап.

14-15 тамыз күндері Ақмола облысының кей жерлерінденайзағай ойнап, бұршақ жаууы мүмкін, жел оңтүстік-батыстан, солтүстіктен 15-20м/с жылдамдықпен соғады, 15 тамыз күні күндіз желдің екпіні 25 м/с-қа жетеді.

Нұр-Сұлтанда 14-15 тамыз күндері найзағай ойнайды. 15 күнікүндіз бұршақ жаууы ықтимал, жел солтүстік-батыстан 15-20 м/с жылдамдықпенсоғады.

14 тамызда Қызылорда облысының кей жерлерінде желбатыстан, солтүстік-батыстан секундына 15-20 метр жылдамдықпен соғады, күндіз кейжерлерде шаңды дауыл тұруы мүмкін.

14 тамыз күні Түркістан облысының кей жерлерінденайзағай ойнап, шаңды дауыл тұруы ықтимал, жел батыстан 15-20 м/с жылдамдықпенсоғады.

14 тамызда Қостанай облысының кей жерлерінде найзағай ойнайды,жел алдымен батыстан, артынша солтүстік-шығыстан 15-20 м/с жылдамдықпен соғады.Күндіз кей жерлерде бұршақ жауады.

14 тамыз күні Маңғыстау облысының кей жерлеріндесолтүстік-батыстан секундына 15-20 метр жылдамдықпен жел соғып, шаңды дауылтұруы мүмкін.