НҰР-СҰЛТАН. ҚазАқпарат – Қазақстан құрамасының қорғаушысы Нұралы Әліп «Зенит» (Санкт-Петербург) командасы сапында футболдан Ресей чемпионатының жеңімпазы атанды, деп хабарлайды ҚазАқпарат тілшісі.
Ресей біріншілігінің 27-турында «Зенит» өз алаңында Мәскеудің «Локомотивін» қабылдап, 3:1 есебімен жеңіске жетті.
Бұл матчта Нұралы Әліп бірінші таймда алаңға шықты.
Осы ойыннан кейін 61 ұпай жинаған «Зенит» қалған үш турдың нәтижесіне қарамастан, төртінші рет қатарынан чемпиондық атаққа қол жеткізді.
Биыл «Қайраттан» «Зенитке» ауысқан 22 жастағы Нұралы Әліп Санкт-Петербург клубы құрамында Ресей премьер-лигасында жеті кездесу өткізді.
Ақтаулық «Каспий» клубының түлегі Н.Әліп 2020 жылы «Қайрат» сапында Қазақстан чемпионы атанған болатын.
Еске сала кетейік, бұдан бұрын «Қызылжар» футбол клубына жаңа бас бапкер тағайындалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).