АСТАНА. ҚазАҚпарат - Беларусь астанасы Минск қаласында өтіп жатқан шорт-трек спортынан әлем кубогының соңғы алтыншы кезеңінде Нұрберген Жұмағазиев қола медаль алды, деп хабарлайды ҚазАқпарат тілшісі.
1000 метр қашықтықта өткен сында финалға екі бірдей отандасымыз шығып, Абзал Әжіғалиев сегізінші орынды қанағат тұтты.
Нұрберген Жұмағазиев аталған қашықтықта үшінші болып мәре сызығын кесті. Тағы бір отандасымыз Денис Никиша төртінші орында. 1000 метрде Корея елінің спортшысы бас жүлдені қанжығасына байлады.
Ал осы қашықтықта аруларымыздың ең алды бесінші орынмен шектелді. Бұл көрсеткішке Анастасия Крестова қол жеткізді. Тағы бір отандасымыз Ким Йонг 20-шы орынға табан тіреді.
Бұл жолы да бас бапкер Мәдіғали Қарсыбековтың алтын аламыз деген үміті ақталмады.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.