АСТАНА. KAZINFORM — Нұрлан Оразбаев елордалық «Барыс» хоккей командасының бас директоры қызметінен кетті.
Бұл жөнінде команданың баспасөз қызметі мәлім етті.
Қазақстандық маман аталған қызметке 2024 жылдың қазан айында тағайындалған еді.
Оодан кейін командадағы АҚШ, Канада елдерінен келген хоккейшілерден бас тартты. Елордалық клуб сапында негізінен қазақстандық жастарға көңіл бөлді. Сондай-ақ олармен бірге реесйлік хоккейшілер де ойын көрсетті.
Нұрлан Оразбаев 1968 жылы дүниеге келген. Спорттық мансабында қарағандылық «Автомобилист», теміртаулық «Болат» және елордалық «Барыс» командаларында ойнады.
Ал бұдан бұрын 2006-2012, 2013-2015 жылдарда елордалық клубтың президенті қызметін атқарды.
Биыл «Барыс» Құрлықтық хоккей лигасында сәтсіз ойын көрсетті. Шығыс конференциясында 12 орын алып, 68 ойыннан кейін небәрі 35 ұпай жинады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.