ПАРИЖ. KAZINFORM — Франция астанасы Париж қаласында өтіп жатқан Олимпиада ойындарында бүгін дзюдодан ерлер арасында Нұрлыхан Шархан алғашқы белдесуін өткізді.
Фото: Сали Сабиров/ҰОК
Фото: Сали Сабиров/ҰОК
Нәтижесінде 100 келіге дейінгі салмақта ел намысын қорғаған отандасымыз алғашқы белдесуінде бельгиялық Тома Никифоровтан айласын асырып, келесі айналымға өтті.
Фото: Сали Сабиров/ҰОК
Естеріңізге сала кетейік, осыған дейін дзюдодан 60 келі салмақта Елдос Сметов чемпион атанса, Ғұсман Қырғызбаев қола медаль жеңіп алған болатын.
Фото: Сали Сабиров/ҰОК
Айта кетейік, бүгін, 1 тамызда Париж Олимпиадаcында қазақстандықтар спорттың 4 түрінен – садақ ату, нысана көздеу, дзюдо және бокстан жарыс жолына шығады.
Олимпиаданың төртінші жарыс күнінен кейін Қазақстан құрамасының қоржынында 1 алтын, 2 қола жүлде бар.
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.