Нұрсұлтан Назарбаев «бұдан ары қарайғы мемлекеттік құрылыстың 100 нақты қадамы» Ұлт жоспарын таныстырады

АСТАНА. ҚазАқпарат - Президент Нұрсұлтан Назарбаев Модернизация бойынша ұлттық комиссияның бірінші отырысында бұдан ары қарайғы мемлекеттік құрылыстың 100 нақты қадамын ұсынады. Бұл туралы Елбасы ұлықтау рәсімінде мәлім етті.

«Комиссияның бірінші отырысында (ҚР Президенті жанындағы Модернизация бойынша ұлттық комиссия) мен Ұлт жоспарын ұсынамын. Бұл - бұдан ары қарайғы мемлекеттік құрылыстың 100 нақты қадамы. Бұл тұрғыда бес институционалдық реформалар бойынша атқаратын жұмыстарымыз түсіндіріледі», - деді Мемлекет басшысы.

Осы орайда Н.Назарбаев бұл 100 қадам жаһандық және ішкі сын-қатерлерге жауап болатындығын және бір мезгілде жаңа тарихи жағдайда 30 дамыған елдің құрамына ену бойынша жоспар екендігін атап өтті. Реформаларды жүзеге асыру - алдағы 10 немесе 15 жылға негізделген жалпыұлттық нөмірі бірінші мақсат-міндет болмақ.

Айта кетейік, Елбасы ұлықтау рәсімінде жақын арада ҚР Президенті жанындағы Модернизация бойынша ұлттық комиссия құрылатындығына атап өтті.