Елбасының сөзін ҚР Премьер-Министрінің орынбасары Гүлшара Әбдіқалықова оқып берді.
«Әр халықтың әлемдік мәдениеттің інжу-маржаны санатына енетін өз ұлттық құндылықтары болады. Солардың қатарында тек Иранның ғана жазба ескерткіші емес, халықаралық әдебиеттің игілігі саналатын «Шаһнама» дастаны да бар. Парсы-түрік халықтарының терең тарихына үңілуге мүмкіндік беретін, оны дәйекті түрде және көркем баяндайтын бұл туындыны зерттеп-зерделеудің маңызы өте зор», - делінген құттықтау сөзде.
Президенттің айтуынша, СD-диск басылымының жарық көруі арқылы «Шаһнаманың» қазақ халқының ауызекі музыкалық-эпикалық дәстүрі аясында жаңа ғұмыры басталып отыр. «Бұл халқымыздың әйгілі дастанға және жалпы әлемдік мәдени мұралардың зерттелуіне деген қызығушылығын арттыра түседі деп сенемін», - дейді ол.