Нұрсұлтан Назарбаев жас композитор Рахат-Би Әбдісағынды қабылдады
20:44, 21 Мамыр 2019
НҰР-СҰЛТАН. ҚазАқпарат - Елбасы Нұрсұлтан Назарбаев жас композитор Рахат-Би Әбдісағынды қабылдады, деп хабарлайды Ақорданың ресми сайты.
Кездесуде талантты композитор, «Қазақстанның 100 жаңа есімі» байқауының жеңімпаздарының бірі Рахат-Би Әбдісағын Нұрсұлтан Назарбаевқа «Күн сәулесімен нұрланған жол» атты жаңа операсы туралы әңгімеледі.
Музыкалық туынды Тәуелсіз Қазақстанның қалыптасу және даму тарихына арналады.
Нұрсұлтан Назарбаев Р.Әбдісағынға шығармашылық табыс пен жаңа жетістіктер тіледі.