ОРАЛ. 8 ақпан. ҚазАқпарат - Орал қаласы прокуратурасы еңбек заңнамасының сақталуына мониторинг жүргізу барысында «Нұржанар» АҚ-ның 2012 жылдың желтоқсан айы үшін 86 жұмысшыға 3,318 млн. теңге жалақысын төлемегендігін анықтады.
Облыс прокуратурасының баспасөз қызметінен хабарлағанындай, қала прокуратурасы енгізген заңбұзушылықты жою туралы ұйғарым негізінде берешек толық өтелді. Сөйтіп 86 азаматтың еңбек құқығы қорғалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).