ОРАЛ. ҚазАқпарат - Ақтаудағы 3502-әскери бөлімінде нысана көздеуден ҚР Ұлттық ұланы «Батыс» өңірлік қолбасшылығының біріншілігі мәреге жетті.
«Батыс» өңірлік қолбасшылығының баспасөз қызметінен түскен мәліметке қарағанда, аймақтық жарысқа 6655-әскери бөлімі (Ақтөбе), 5517 (Орал), 5546 (Атырау), 6656, 3502 (Ақтау) және 5548-әскери бөлімінен (Жаңаөзен) барлығы алты команда қатысып, бақ сынады.
Жарыстың бас төрешісі, подполковник Сәтжан Әбішевтің айтуынша, екі күнге созылған бәсекеге қатысушылар АК-47 автоматы және Макаров тапаншасынан командалық және жекелей нысана көздеуде сынға түсті. Командалық есепте Ақтау қаласындағы 6656-әскери бөлім мергендері үздік атанып, ауыспалы кубокті жеңіп алды. Макаров тапаншасынан жекелей сында осы бөлімнен аға лейтенант Роман Абдрахманов жеңімпаз болса, Калашников автоматынан 6655-әскери бөлімінен сержант Ренат Нұрбеков алдына жан салған жоқ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).