АСТАНА. ҚазАқпарат - Мен алдағы өмірімнің спортпен ұштасып жатқанын қалаймын. Бүгін ҚР Президенті жанындағы Орталық коммуникациялар қызметінде өткен 17-ші Азия ойындарының қорытындысына арналған брифингте Лондон Олимпидасының чемпионы Ольга Рыпакова осылай деді.
«Спортшының мансабы мәңгілік емес. Біз қартайғанша спортпен айналыса алмайтындығымыз түсінікті жайт. Ерте ме, кеш пе барлығы да аяқталады. Дегенмен, менің алдағы өмірімнің де спорпен байланысты болғанын қалаймын», - деді даңқты спортшы.
Сонымен қатар ол еліміздегі спорттың дамуына қолынан келгенше көмек беруге, бұқаралық спорт пен жеңіл атлетиканы және балалар спорттық қозғалыстарын дамытуға ниетті екендігін де жеткізді.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.