ОРАЛ. Маусымның 1-і. ҚазАқпарат /Елжан Ералы/ - Облыс әкімі Бақтықожа Ізмұхамбетов маусымның 1-інде облыстық балалар үйінде болып, осындағы тәрбиеленушілерді Балаларды қорғаудың халықаралық күнімен құттықтады,
деп хабарлайды ҚазАқпарат тілшісі.
Балаларды мерекелерімен құттықтауға арнайы келген облыс басшысы мекемеге «ГАЗель» автокөлігін тарту етті.
Раиса Наурызова басшылық ететін, 2001 жылы ашылған балалар үйінде барлығы 104 тәрбиеленуші болса, соның 30-ы - мектеп жасына дейінгі балдырғандар, қалғандары №5 орта мектепте білім алады. Балалар үйінде музыка, спорт залдары, релакция бөлмесі жасақталған. Онда тәрбиеленушілер арасында алды республикалық, облыстық байқау-жарыстарда жүлде алып жүргендері де бар.
Балалар үйіне «Желаев астық өнімдері комбинаты» АҚ үнемі демеушілік көрсетсе, бұл күні тарту-таралғы жасаған басқа мекеме, ұйымдар да аз болған жоқ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).