19:46, 27 Сәуір 2009

Облыс басшысы мен әділет вице-министрі Зеленов ауданында болды

ОРАЛ. Сәуірдің 27-сі. ҚазАқпарат /Ғайсағали Ералы/ - Батыс Қазақстан облысының әкімі Бақтықожа Ізмұхамбетов пен ҚР Әділет вице-министрі Дулат Құсдәулетов сәуірдің 27-сінде жұмыс сапарымен Зеленов ауданында болды,

деп хабарлайды ҚазАқпарат тілшісі. Олар Елбасы Жолдауына байланысты ауданда атқарылып жатқан жұмыстармен танысып, тұрғындармен кездесті. Меймандар халыққа қызмет көрсету орталығы, «Баханга» ЖШС мұнай терминалы, «Джафаров» жеке кәсіпкерінің көтерме базары, «Асфа» ЖШС, 120 керуеттік жаңа аурухана құрылысы және басқа нысандарда болды. Көктемгі егістің жай-жапсарымен, «Жайықмұнай» ЖШС мұнай тасымалдау терминалы және «Бюллер» фирмасының диірмен кешені құрылысы барысымен танысып, Белес ауылындағы мектеп-балабақшада көп балалы ата-аналармен жүздесті. Қоғамдық моншаның ашылуына да қатысты.
Басқа мемлекеттік органдар Жолдау Экономика
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).