17:05, 17 Сәуір 2009

Облыс басшысы Ресейдің Орал қаласындағы консулымен кездесті

ОРАЛ. Сәуірдің 17-сі. ҚазАқпарат /Ғайсағали Ералы/ - Батыс Қазақстан облысының әкімі Бақтықожа Ізмұхамбетов сәуірдің 17-сінде Ресей Федерациясының Орал қаласындағы жаңа консулы Александр Новиковты қабылдады,

деп хабарлайды ҚазАқпарат тілшісі. Кездесуде екі ел арасындағы өзара тиімді қарым-қатынастың одан әрі дами беретіні атап көрсетілді. Бұл ретте Ресейдің бес бірдей губерниясымен шектесетін Батыс Қазақстан облысының орны ерекше. Өткен жылы БҚО-ның Ресей Федерациясымен сыртқы сауда айналымы 2 млрд. 700 млн. АҚШ долларына жеткен. Облыстың сыртқы сауда айналымының 49 пайызы осы елдің үлесіне тиеді. Сондай-ақ 223 бірлескен кәсіпорын жұмыс жасайды. М.Торез атындағы 1-ші Мәскеу мемлекеттік шет тілдер педагогикалық институтын, кейін КСРО СІМ дипломатиялық академиясын бітірген А.Новиков ? осы саладағы тәжірибелі маман. Ол Оралдағы өз жұмысының жемісті болатынына сенімді.
Аймақ Басқа мемлекеттік органдар Ықпалдастық
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).