Былтыр жеке сот орындаушылар тарапынан алименттерді өндіруге қатысты ауқымды жұмыстар атқарылған. Өңірде алименттерді өндіру бойынша екі мамандандырылған және қосымша жеке сот орындаушылар кеңсесі ашылған. Жұмыспен қамту және әлеуметтік бағдарламалар басқармасымен бірлесе жазалған меморандум аясында 47 борышкер жұмысқа орналастырылды. Алимент төлеуден бас тартқаны үшін борышкерлердің қылмыстық жауапкершіліктері қаралған. 2 919 борышкердің елден шығу мүмкіндігі уақтылы тоқтатылған.
«Қолданыстағы заңнамалардың нормаларын бұзғаны үшін 7 нотариустың лицензиясы тоқтатылып, 40 нотариус тәртіптік жауапкершілікке тартылған. Заңға қарама қайшы әрекеттер жасаған 2 нотариус пен 2 адвокат лицензияларынан айырылған», - деді Е.Дауылбаев.
Департамент басшысы бұдан бөлек, ҚР «Әкімшілік құқық бұзушылықтар туралы» Кодексінің 457 бабы 1 тармағына сәйкес, нормативтік құқықтық актілерді мемлекеттік тіркеуге уақытылы ұсынбағаны үшін Мақтарал, Ордабасы, Отырар аудандарындағы 4 лауазымды тұлғаға қатысты әкімшілік істер қозғалып, айыппұлдар салынғанын атап өтті.
Сондай-ақ өңірлік Әділет департаменті қызметкерлері тарапынан заңсыз айналымнан 3,5 млн теңгенің 484 дана контрафактілік өнімдері алынған. «Hermes International S.C.A», «Aplle Inс», «Brown-Forman Finland, Ltd», «HELIX», «Рахат Шымкент» және басқа да тауар таңбаларының иеленушілердің құқықтары қорғалған.
Айнұр Ақбаева