Бұл туралы өңірлік коммуникациялар қызметінде өткен брифингте "Astana Musical" театрының әртісі Сайлау Қамиев мәлім етті, деп хабарлайды ҚазАқпарат тілшісі.
Сайлау Қамиевтің айтуынша, өнер ұжымының оңтүстіктегі сапарының мақсаты - еліміздің өнер саласындағы үздік жетістіктерін көрсету болып табылады. Өйткені , «Astana Musical» - еліміздегі және Орталық Азиядағы тұңғыш мамандандырылған мюзикл театры саналады. Елордалық өнер ұжымы заманауи жаңалықтарды негізге ала отырып, отандық және әлемдік мюзиклдердің бірегей репертуарының орталығына айналып келеді. Ал, «Қыз Жібек» этно-фольклорлық қойылымының қоюшы-режиссері Асхат Маемиров, режиссері Е.Нұрсұлтан, балетмейстері А.Садыкова және Жібек пен Төлегеннің рөлін театр әртістері И.Ризабекова мен О.Игілік сомдайтын болады.
«Театр әртістері еліміздің рухани құндылықтарына айналған халық әндері мен композиторларының шығармалары және ұлттық операмыз бен классикалық музыкамыздың інжу-маржандарын қамтитын «Қыз Жібек» қойылымын сахналайды. Дала театрының негізіндегі туынды көрерменге қазақ халқының ұлттық болмысы мен тыныс-тіршілігін айқын көрсетеді. Сондай-ақ, өнерсүйер қауым спектакльде қос ақынның сөз тартысы, ой қақтығысымен қатар халқымыздың суырыпсалмалық өнерін дәріптейтін айтысты тамашалайтын болады», - деді брифингте Сайлау Ғалымжанұлы.
Баспасөз мәлисхатына қатысқан Қазақстанның еңбек сіңірген қайраткері Айнұр Бермұxамбетова болса, аталған мюзикл «Жаһандағы заманауи қазақстандық мәдениет» жобасы аясында 2017 жылдың желтоқсан айында Франция, Бельгия, Австрия, Ресей мемлекеттерінде сахналанып, шетелдік талғампаз көрерменнің қошеметіне бөленгендігін жеткізіп, театр тарихына тоқталды.
Айта кетейік, «Қазақконцерт» Мемлекеттік концерттік ұйымының «Astana Musical» театры ҚР Мәдениет және спорт министрлігінің қолдауымен 2016 жылдың маусым айында құрылған. Өнер ордасы өз шымылдығын Бақыт Қайырбеков пен Әннәс Бағдаттың «Достар серті» мюзиклімен ашқан болатын. Бүгінде театр репертуарында көпшіліктің қошеметіне ие болған 5 қойылым бар», - деді Айнұр Бермұxамбетова.