Оқушы қыз 1 келі есірткімен ұсталды

АСТАНА. ҚазАқпарат - 17 жастағы Новосібір тұрғыны есірткімен ұсталды. Красноярдан шыққан пойызға мінген Новосібір мектептерінің бірінің 11-сынып оқушысы «Новосибирск-главный» вокзалының перронында полицейлерінің қолына түсті.

Оқушы қыздан бір келі жоғары концентрацияланған синтетикалық есірткі алынды. Бұдан 10 мың доза дайындауға болар еді.

Қыз есірткі затын Новосібірде сату үшін әкелген. Қазір құқық қорғау органдары оқушының сыбайластарын іздестіріп жатыр.