КӨКШЕТАУ. ҚазАқпарат - Көкшетаулық «Оқжетпес» әйелдер футбол клубы тұңғыш рет чемпиондар лигасында өнер көрсетеді, деп хабарлайды ҚазАқпарат тілшісі облыстық дене шынықтыру және спорт басқармасының баспасөз қызметіне сілтеме жасап.
Ведомствоның мәліметінше, бүгін қарашаның 4-де сағат 15:00 кезінде Шымкент қаласында Көкшетаудың «Оқжетпес» әйелдер футбол клубы Грузияның «Ланчхути командасымен кездеседі.
Бұл - жерлестеріміздің чемпиондар лигасының бірінші іріктеу шеңберіндегі алғашқы кездесуі.
Айта кетейік, «Оқжетпес» командасы өткен жылы ел чемпионатында екінші орын алған болатын.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.