15:41, 10 Ақпан 2018

Олимпиада-2018: Алғашқы алтын Швеция спортшысына бұйырды

ПХЕНЧХАН. ҚазАқпарат - Кореяның Пхенчхан қаласында өтіп жатқан ХХIII қысқы Олимпиада ойындарының алғашқы алтыны Швеция спортшысына бұйырды, деп хабарлайды ҚазАқпарат тілшісі.

Әйелдер арасында 7,5 шақырымдық спринт жарыста швециялық Шарлотта Калла аталған шақырымды 40 минут 44.9 секундта бағындырып, бас жүлдені жеңіп алды.

Күміс жүлде норвегиялық Марит Бьоргенге ( 7,8 секунд), ал қола медаль финляндиялық Криста Пярмякоскиге ( 10,1) бұйырды.

Аталған додада Қазақстандық Анна Шевченко мәреге 36-шы болып келді. Ал Елена Коломина 54-ші орында.Валерия Тюленова болса, мәре сызығын кесе алмай, 8,77 шақырымда жарыс жолынан шығып қалды.

Қысқы Олимпиада ойындары-2018.
Пхенчхан (Оңтүстік Корея). Тау шаңғысы.
Әйелдер. Скиатлон. 7,5 км классикалық стиль 7,5 еркін:

1. Шарлотт Калла (Швеция) - 40:44.9
2. Марит Бьёрген (Норвегия) - 7.8
3. Криста Пярмякоски (Финляндия) - 10.1

36. Анна Шевченко (Қазақстан) - 3:40.2
54. Елена Коломина (Қазақстан) - 5:43.6
DNF. Валерия Тюленева (Қазақстан).

КАЗМЕДИА Олимпиада Спорт

Күнсұлтан Отарбай

Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған. 2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист. Сейдақмет Бердіқұлов атындағы арнайы сыйлықтың лауреаты.