ПХЕНЧХАН. ҚазАқпарат - Бүгін Оңтүстік Кореяда өтіп жатқан ХХIII қысқы Олимпиада ойындарында Дмитрий Рейхердтен үміт күткен едік, алайда үмітіміз желге ұшты, деп хабарлайды ҚазАқпарат тілшісі.
Бүгін фристайлдан ерлер арасынан екі бірдей спортшы - Дмитрий Рейхерд пен Павел Колмаков жарыс алаңына шықты. Өкінішке қарай, финалдық кезеңнің екінші кезеңінде қателіктерге бой алдырып, қажетті ұпайды жинай алмады. Дмитрий бар болғаны 58.64 ұпай еншілеп, 8-ші болса, Колмаков 76.10 ұпаймен 7-ші орынға ие болды.
Осылайша қос спортшымыз үздіктер қатарына іліге алмады. Тура кеше осы уақытта спорттың бұл түрінен Галышева Қазақстан қоржынына алғашқы жүлдені салған болатын.
Фото: Даниар Майлыбаев
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.