ТОКИО. ҚазАқпарат - Токио Олимпиадасында әйелдер күресінен қазақстандық Татьяна Ахметова (53 келі) белдесуін өткізді, деп хабарлайды ҚазАқпарат тілшісі.
Қазақстандық спортшы польшалық Роксана Марта Засинамен шеберлік байқасты. Тартысты бәсекеде жеңіс 3:2 есебімен польшалық балуанға бұйырды.
Одан кейін поляк спортшысы жапониялық Маю Мукаидодан 2:12 есебімен жеңіліп, жарыс жолынан шығып қалды.
Салдарынан Татьяна жұбаныш белдесуіне қатысу мүмкіндігінен айырылды.
Жарыс ережесі бойынша алғашқы белдесуде жеңілген балуанның қарсыласы финалға шыққан жағдайда ол жұбаныш белдесуіне қатыса алатын еді.
Еске салсақ, бұдан бұрын еркін күрестен Юсуп Батырмурзаев Олимпиада ойындарында жеңіліп қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.