НҰР-СҰЛТАН. ҚазАқпарат - Қысқы Олимпиада ойындарының ұйымдастырушылары Чжанцзякоу қаласында ауа райы нашарлауына байланысты шаңғы жарысынан ерлер арасындағы масс-стартты 50- шақырымнан 30 шақырымға қысқартты, деп хабарлайды ҚазАқпарат.
Бұл жарысқа жалпы 61 шаңғышы қатысады. Оның ішінде қазақстандық Евгений Величко да бар. Ол 43-нөмірмен сынға түседі.
Айта кетейік, аталған Ақ Олимпиадада ойындарында еліміздің намысын 8 спорт түрінен 34 спортшы қорғап жатыр. Олар - қысқы спорт ойындарының ішінде спорттың шаңғы жарысы, фристайл-могул, шаңғы акробатикасы, тау шаңғысы, шаңғымен секіру, биатлон және шорт-трек түрлерінен сынға түсуде.
Бейжің Олимпиада ойындары 20 ақпанда аяқталады.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.