АСТАНА. ҚазАқпарат - Бобслейден Сочи Олимпиадасының екі дүркін жеңімпазы атанған ресейлік Алексей Воевода өмір бойына спорттан шеттетілді, деп хабарлайды ҚазАқпарат.
Халықаралық Олимпиада комитетінің тәртіптік комиссиясы Олимпиада чемпионын Сочи ойындарында допинг қолданғанын дәлелдеп шыққан. Сол үшін ол Олимпиаданың алтын медальдарын кері қайтарып қана қоймай, өмір бойына спорттан шеттетілсін деген шешім шығарған.
Алайда, 37 жастағы спортшы бұл айыптаулармен келіскен жоқ.
Естеріңізге сала кетейік, Воевода Сочиде Олимпиадасында жұптасып өнер көрсету мен төрт адамдық бәсекеде топ жарған болатын.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.