ТОКИО. ҚазАқпарат - Токио Олимпиадасында теннисші Михаил Кукушкин 1/8 финалда қарсыласына есе жіберді, деп хабарлайды ҚазАқпарат.
Жарыстың аталған сатысында ол беларусьтік Илья Ивашкомен шеберлік байқасқан еді. Ол әлемдік рейтингте 66-орында тұр. Ал қазақстандық спортшы 127-орында келеді.
Ойын барысында 6:7, 6:3, 6:3 есебі тіркелді. Осылайша Беларусь теннисшісі жарысты жалғастыруға мүмкіндік алды.
Илья Ивашко енді Маркос Хирон (АҚШ) пен Кэи Нисикори (Жапония) жұбының жеңімпазымен кездеседі.
Еске салсақ, Михаил Кукушкин алғашқы сайысында аргентиналық Федерико Корианы 7:6, 7:5 есебімен жеңді.
Биыл дүбірлі додада 33 спорт түрінен 339 медаль жиынтығы сарапқа салынады. Айтулы аламанға жер бетіндегі 206 мемлекеттен 11 мыңнан астам спортшы қатысуда.
Қазақстандық 97 спортшы күншығыс елінде спорттың 28 түрінен бақ сынайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.