НҰР-СҰЛТАН. ҚазАқпарат – Бүгін елорда төрінде күрес түрлерінен өтіп жатқан әлем чемпионатында 77 келі салмақта Олимпиада 2020 ойындарына жолдама жеңіп алған Асхат Ділмұхамедов жарысты бесінші орынмен аяқтады, деп хабарлайды ҚазАқпарат тілшісі.
Бүгін грек-рим күресінен 77 келі салмақта сынға түскен балуандар арасында медальдар сарапқа салынды.
Кеше, яғни 16 қыркүйек күні Асхат жартылай финалда мажарстандық Олимпиада ойындары мен әлем чемпионатының жүлдегері Тамаш Лоринцке есе жіберіп, қола медаль үшін белдесу мүмкіндігіне ие болған. Өкінішке қарай бүгін ол медаль үшін таласта өзбекстандық Жалғасбай Бердімұратовтан 1:3 есебімен ұтылып жарысты 5-ші орынмен аяқтады.
Осылайша, Асхат Олимпиада ойындарына жолдама алып, әлем чемпионатында үздік бестікке енді.
Еске сала кетейік, осыған дейін Асхат Ділмұхамедов Олимпиада ойындарына жолдама жеңіп алғаны туралы хабарлаған болатынбыз.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.