Алғашқы екі турда сүрінбеген Франция, Испания, Жапония құрамасы ширек финалға жолдама алып үлгерді. Қалған жолдама иегерлері шешуші турда анықталады.
С тобында сынға түсіп жатқан Өзбекстан жарысты жалғастырудан шет қалып қойды. Өзбекстандық футболшылар алдымен Испаниядан 1:2 есебімен жеңілсе, одан кейін Египетке 0:1 есебімен есе жіберді. Енді олар 30 шілдеде Доминикан Республикасымен кездеседі. Бұл ойында жеңіске жеткенімен ширек финалға шыға алмайды.
Топтық кезең ойындары 30 шілдеде мәресіне жетеді.
Одан кейін 2 тамызда ширек финал өткізілсе, жартылай финал 5 шілдеге белгіленген.
Ал 3-орын үшін құрамалар 8 тамызда сынға түссе, финал 9 тамызда болады.
Аталған турнирде 23 жасқа дейінгі футболшылардан құралған құрамалар бақ сынайды. Сондай-ақ ол жастан асқан үш ойыншының жарысқа қатысуына болады.