АСТАНА. KAZINFORM – Биылғы олимпиадаға қатысатын қазақстандықтар Никита Чирюкин мен Ирина Юнусметова оқ атудан Беларусь ашық чемпионатында жеңімпаз атанды.
Спортты дамыту дирекциясынан мәлім еткеніндей, қазақстандық мергендер тапаншамен 10 метрге оқ атудан аралас жұп бәсекесінде үздік шықты.
Олимпиадалық спорт түрлерінен ғана өтіп жатқан аталмыш жарыста үш елден 180 спортшы бақ сынауда. Турнир 29 маусымға дейін созылады.
Бұл дода Париж олимпиадасы қарсаңында спортшылардың шеберлігін ұштай түсуге септеспек.
Еске сала кетейік, бұдан бұрын спорт министрінің Париж олимпиадасына 80-85 жолдамамен барсақ деп отырғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).