АСТАНА. ҚазАқпарат – Оливье Жиру Қатарда футболдан өтіп жатқан әлем чемпионатының 1/8 финалында Франция – Польша матчында гол соқты, деп хабарлайды ҚазАқпарат тілшісі.
Бұл - Жирудің ұлттық құрама сапындағы 52-інші голы еді.
Осыған дейін үздік көрсеткіш атақты шабуылшы Тьерри Анриге тиесілі болатын.
Ол спорт жолында қарсыластар қақпасына 51 гол енгізген. Франция сапында қазір де ойнап жүрген Антуан Гризман үшінші сатыда тұр. Оның есебінде 42 гол бар.
Сөйтіп Оливье Жиру Т.Анридің рекордын жаңартып, өз есімін Франция футболының тарихына жазды.
Еске сала кетейік, бұдан бұрын Лионель Мессидің спорт карьерасында мыңыншы мәрте жасыл алаңға шыққанын жазған болатынбыз.
Месси бастаған Аргентина ширек финалға жолдама алды.
Месси «Үздік ойыншы» атағын сегізінші рет жеңіп алып, рекорд орнатты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).