Олжас Бектенов Цифрландыру министрлігіне нақты үш тапсырма жүктеді

АСТАНА. KAZINFORM – ҚР Премьер-министрі Олжас Бектенов Цифрландыру министрлігіне нақты үш тапсырма жүктеді.

— Мемлекеттік органдар қабылдайтын барлық шаралар кешенді сипатта болуға тиіс. Осыған орай Цифрландыру министрлігіне мынандай тапсырмалар беремін:

1. Жыл соңына дейін ЖИ элементтерін іске қосу арқылы Электрондық үкімет порталын жаңғырту керек.

2. Шалғай елді мекендерді интернетпен қамтамасыз ету жобаларын уақтылы іске асыру қажет. Сондай-ақ барлық ауылдық пошта бөлімшелерінде мемлекеттік қызметтер көрсетуді қаржыландыру мәселесі шешімін табуға тиіс.

3. Мүдделі мемлекеттік органдармен бірлесіп халыққа қызмет көрсету орталықтары көрсететін мейлінше сұранысқа ие қызметтерді онлайн форматқа көшіруді қамтамсыз етсін, - деді Үкімет басшысы.

Олжас Бектенов еліміздегі цифрландыру саласы тікелей өзінің бақылауында болатынын атап өтті.

Осыған дейін Үкімет басшысы меморгандардың ақпараттық жүйелерді бақылау сервисіне қосуды аяқтауы тиіс екендігін айтты.